ಜನಾಂಗದ ನಾಯಕರುಗಳ ಒಗ್ಗಟ್ಟಿನಿಂದ ಕಾರ್ಯಕ್ರಮ ಯಶಸ್ವಿ ಡಾ//ವಿ . ಅಂಜನಪ್ಪ.

Bangarappa c journalist
Bangarappa c journalist - Journalist
6 Min Read

ಜನಾಂಗದ ನಾಯಕರುಗಳ ಒಗ್ಗಟ್ಟಿನಿಂದ ಕಾರ್ಯಕ್ರಮ ಯಶಸ್ವಿ ಡಾ//ವಿ . ಅಂಜನಪ್ಪ.

 

ಬೆಂಗಳೂರು :ಪ್ರತಿ ವರ್ಷದಂತೆ ಈ ವರ್ಷವೂ ಸಹ ನಮ್ಮ ಸಮಾಜದಲ್ಲಿ ಸಾದಕರನ್ನು ಗುರುತಿಸುವ ಕಾರ್ಯವಾಗುತ್ತಿದ್ದು ಅದರಂತೆ ಇಂದು
ಕನ್ನಡ ರಾಜ್ಯೋತ್ಸವ – 2026 ರ ಅಂಗವಾಗಿ
ಮೀಸಲಾತಿ ಹಾಗೂ ನೀತಿ ಸಂವಾದ | ಒಕ್ಕಲಿಗ–ಉಪಪಂಗಡಗಳ ವಿಚಾರ ಸಂಕಿರಣ | ಗುರುವಂದನೆ | ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಮಾಡಲಾಯಿತು ಎಂದು
ಡಾ|| ವಿ. ಆಂಜನಪ್ಪ
ಅಧ್ಯಕ್ಷರು, ಅಖಿಲ ಭಾರತ ಒಕ್ಕಲಿಗರ ಮಹಾಸಭಾ (ರಿ.)
ಅಧ್ಯಕ್ಷರು, ಒಕ್ಕಲಿಗರ ಪರಿಷತ್ತು
ಅಧ್ಯಕ್ಷರು, ಕೃಷ್ಣಪ್ಪ ರಂಗಮ್ಮ ಸಮಾಜ ಸೇವಾ ಪ್ರತಿಷ್ಠಾನ
ಬೆಂಗಳೂರು ರವರ ಕಾರ್ಯಕ್ಕೆ ಎಲ್ಲೆಡೆಯಿಂದಲೂ ಮೆಚ್ಚುಗೆ ವ್ಯಕ್ಯವಾಯಿತು.
ದಿನಾಂಕ: 01-11-2026, ಭಾನುವಾರ
ಸ್ಥಳ: ವಿಶ್ವ ಒಕ್ಕಲಿಗರ ಮಹಾ ಸಂಸ್ಥಾನ ಮಠ, ಮೈಸೂರು ರಸ್ತೆ, ಕೆಂಗೇರಿ, ಬೆಂಗಳೂರು-560 060.

ಕನ್ನಡ ನಾಡು, ನುಡಿ, ನೆಲ, ಜಲ, ಸಂಸ್ಕೃತಿ ಹಾಗೂ ಪರಂಪರೆಯ ಸಂರಕ್ಷಣೆ ಮತ್ತು ಸಂವರ್ಧನೆಯ ಮಹೋನ್ನತ ಸಂಕಲ್ಪದೊಂದಿಗೆ, ಸಮಸ್ತ ಒಕ್ಕಲಿಗ ಸಮುದಾಯದ ಐಕ್ಯತೆ, ಸಂಘಟನೆ, ಸಾಮಾಜಿಕ ನ್ಯಾಯ, ಶೈಕ್ಷಣಿಕ ಪ್ರಗತಿ ಹಾಗೂ ಸರ್ವತೋಮುಖ ಉನ್ನತಿಗಾಗಿ ಅಖಿಲ ಭಾರತ ಒಕ್ಕಲಿಗರ ಮಹಾಸಭಾ (ರಿ.), ಒಕ್ಕಲಿಗರ ಪರಿಷತ್ತು ಹಾಗೂ ಕೃಷ್ಣಪ್ಪ ರಂಗಮ್ಮ ಸಮಾಜ ಸೇವಾ ಪ್ರತಿಷ್ಠಾನದ ಸಂಯುಕ್ತ ಆಶ್ರಯದಲ್ಲಿ ದಿನಾಂಕ 01-11-2026ರ ಭಾನುವಾರದಂದು ವಿಶ್ವ ಒಕ್ಕಲಿಗರ ಮಹಾ ಸಂಸ್ಥಾನ ಮಠ, ಕೆಂಗೇರಿ, ಬೆಂಗಳೂರು ಇಲ್ಲಿ ಅತ್ಯಂತ ವೈಭವೋಪೇತವಾಗಿ ಜರುಗಿದ 2026ನೇ ಸಾಲಿನ ಕನ್ನಡ ರಾಜ್ಯೋತ್ಸವ ಆಚರಣೆ, ಒಕ್ಕಲಿಗ ಸಮುದಾಯದ ಮೀಸಲಾತಿ ಹಾಗೂ ನೀತಿ ಸಂವಾದ, 116 ಉಪಜಾತಿಗಳ ವಿಚಾರ ಸಂಕಿರಣ, ಗುರುವಂದನಾ ಕಾರ್ಯಕ್ರಮ ಮತ್ತು ಬಾಕಿ ಉಳಿದ ಪ್ರಶಸ್ತಿ ಪ್ರದಾನ ಸಮಾರಂಭವು ಅಭೂತಪೂರ್ವ ಯಶಸ್ಸನ್ನು ಕಂಡಿರುವುದು ನಮಗೆಲ್ಲರಿಗೂ ಪರಮ ಸಂತೋಷ, ಹೆಮ್ಮೆ ಹಾಗೂ ಸಾರ್ಥಕತೆಯ ಸಂಗತಿಯಾಗಿದೆ.

ಈ ಐತಿಹಾಸಿಕ ಕಾರ್ಯಕ್ರಮಕ್ಕೆ ತಮ್ಮ ಅಮೃತಹಸ್ತದ ಆಶೀರ್ವಾದ, ದಿವ್ಯ ಸಾನ್ನಿಧ್ಯ ಹಾಗೂ ಮಾರ್ಗದರ್ಶನವನ್ನು ಅನುಗ್ರಹಿಸಿದ ವಿಶ್ವ ಒಕ್ಕಲಿಗರ ಮಹಾ ಸಂಸ್ಥಾನ ಮಠದ ಪರಮಪೂಜ್ಯ ಪೀಠಾಧ್ಯಕ್ಷರಾದ ಶ್ರೀ ಶ್ರೀ ಶ್ರೀ ಡಾ|| ನಿಶ್ಚಲಾನಂದನಾಥ ಮಹಾಸ್ವಾಮೀಜಿಗಳವರ ಪಾದಕಮಲಗಳಿಗೆ ನಮ್ಮ ಸಂಸ್ಥೆಗಳ ಪರವಾಗಿ ಅನಂತಾನಂತ ಪ್ರಣಾಮಗಳು ಹಾಗೂ ಹೃತ್ಪೂರ್ವಕ ಕೃತಜ್ಞತೆಗಳನ್ನು ಸಮರ್ಪಿಸುತ್ತೇವೆ. ಸಮಾರಂಭದ ಶುಭಾರಂಭದಲ್ಲಿ ಕನ್ನಡ ರಾಜ್ಯೋತ್ಸವದ ಪವಿತ್ರ ಧ್ವಜಾರೋಹಣವನ್ನು ನೆರವೇರಿಸಿ, ಸಮಸ್ತ ಕನ್ನಡಿಗರಲ್ಲಿ ನಾಡಾಭಿಮಾನ, ಭಾಷಾಭಿಮಾನ ಹಾಗೂ ಸಾಂಸ್ಕೃತಿಕ ಸ್ವಾಭಿಮಾನವನ್ನು ಜಾಗೃತಗೊಳಿಸಿದ ಪೂಜ್ಯರ ದಿವ್ಯಾನುಗ್ರಹವು ಈ ಕಾರ್ಯಕ್ರಮಕ್ಕೆ ವಿಶೇಷ ಶೋಭೆ ಮತ್ತು ಪಾವಿತ್ರ್ಯವನ್ನು ತಂದಿದೆ. ಪೂಜ್ಯರ ಆಶೀರ್ವಚನ ಹಾಗೂ ಸಾನ್ನಿಧ್ಯವು ನಮ್ಮೆಲ್ಲರ ಸಾಮಾಜಿಕ ಮತ್ತು ಸಾಂಘಿಕ ಚಟುವಟಿಕೆಗಳಿಗೆ ಸದಾ ದಾರಿದೀಪವಾಗಿರಲಿ ಎಂದು ಭಕ್ತಿಪೂರ್ವಕವಾಗಿ ಪ್ರಾರ್ಥಿಸುತ್ತೇವೆ.

ಕಾರ್ಯಕ್ರಮದ ಪ್ರಾರಂಭದಲ್ಲಿ ಪ್ರಾರ್ಥನೆಯನ್ನು ನೆರವೇರಿಸಿದ ಶ್ರೀ ನಾಗರಾಜಮೂರ್ತಿ ರವರಿಗೆ ನಮ್ಮ ಹೃತ್ಪೂರ್ವಕ ಅಭಿನಂದನೆಗಳು ಹಾಗೂ ಕೃತಜ್ಞತೆಗಳು. ಸಂಸ್ಥೆಯ ಉದ್ದೇಶ, ಸಮಾರಂಭದ ಆಶಯ ಹಾಗೂ ಸಮುದಾಯದ ಒಗ್ಗಟ್ಟಿನ ಮಹತ್ವವನ್ನು ತಮ್ಮ ಸ್ವಾಗತ ಭಾಷಣದ ಮೂಲಕ ಅರ್ಥಪೂರ್ಣವಾಗಿ ಅಭಿವ್ಯಕ್ತಪಡಿಸಿದ ಕೃಷ್ಣಪ್ಪ ರಂಗಮ್ಮ ಸಮಾಜ ಸೇವಾ ಪ್ರತಿಷ್ಠಾನದ ಉಪಾಧ್ಯಕ್ಷರಾದ ನೇಗಿಲಯೋಗಿ ಶ್ರೀ ಕೆ. ಗಿರಿಯಪ್ಪ ಅವರಿಗೆ ಹೃತ್ಪೂರ್ವಕ ಧನ್ಯವಾದಗಳು.

ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿ ತಮ್ಮ ಅನುಭವಸಂಪನ್ನ ಮಾರ್ಗದರ್ಶನ, ವಿವೇಕಪೂರ್ಣ ಚಿಂತನೆ ಹಾಗೂ ಸಮುದಾಯದ ಹಿತಾಸಕ್ತಿಯ ಕುರಿತಾದ ಮೌಲಿಕ ಅಭಿಪ್ರಾಯಗಳನ್ನು ಹಂಚಿಕೊಂಡ ಖ್ಯಾತ ನೇತ್ರವೈದ್ಯರು, ರಾಜ್ಯ ಒಕ್ಕಲಿಗರ ಸಂಘದ ಮಾಜಿ ಅಧ್ಯಕ್ಷರು ಹಾಗೂ ಕೃಷ್ಣಪ್ಪ ರಂಗಮ್ಮ ಸಮಾಜ ಸೇವಾ ಪ್ರತಿಷ್ಠಾನದ ಗೌರವಾಧ್ಯಕ್ಷರಾದ ಡಾ|| ಅಪ್ಪಾಜಿ ಗೌಡ ರವರಿಗೆ ವಿಶೇಷ ಕೃತಜ್ಞತೆಗಳನ್ನು ಸಲ್ಲಿಸುತ್ತೇವೆ. ಕಾರ್ಯಕ್ರಮದ ಪ್ರಾಸ್ತಾವಿಕ ನುಡಿಗಳ ಮೂಲಕ ಸಮಾರಂಭದ ಉದ್ದೇಶ, ಆಶಯ ಹಾಗೂ ಸಾಮಾಜಿಕ ಹೊಣೆಗಾರಿಕೆಯನ್ನು ಮನೋಜ್ಞವಾಗಿ ನಿರೂಪಿಸಿದ ಆಧ್ಯಾತ್ಮಿಕ ಮತ್ತು ಧಾರ್ಮಿಕ ಗುರುಗಳು ಹಾಗೂ ಪ್ರತಿಷ್ಠಾನದ ಉಪಾಧ್ಯಕ್ಷರಾದ ಶ್ರೀ ಆರ್. ರಮೇಶ್ (ಮೇಷ್ಟ್ರು) ಅವರಿಗೂ ನಮ್ಮ ಹೃತ್ಪೂರ್ವಕ ಧನ್ಯವಾದಗಳು.

ಒಕ್ಕಲಿಗ ಸಮುದಾಯ ಹಾಗೂ ಅದರ 116 ಉಪಜಾತಿಗಳ ಸಾಮಾಜಿಕ, ಶೈಕ್ಷಣಿಕ, ಆರ್ಥಿಕ ಮತ್ತು ರಾಜಕೀಯ ಪ್ರಾತಿನಿಧ್ಯಕ್ಕೆ ಸಂಬಂಧಿಸಿದ ಮೀಸಲಾತಿ ವ್ಯವಸ್ಥೆ, ಸರ್ಕಾರದ ನೀತಿಗಳು, ಹಿಂದುಳಿದ ವರ್ಗಗಳ ಹಕ್ಕು-ಹಿತಾಸಕ್ತಿಗಳು ಹಾಗೂ ಸಮುದಾಯದ ಭವಿಷ್ಯದ ಅಭಿವೃದ್ಧಿಯ ಕುರಿತು ನಡೆದ ಗಂಭೀರವಾದ ನೀತಿ ಸಂವಾದ ಮತ್ತು ವಿಚಾರ ಸಂಕಿರಣದಲ್ಲಿ ತಮ್ಮ ಅಮೂಲ್ಯ ಅನುಭವ, ಅಧ್ಯಯನಪೂರ್ಣ ಅಭಿಪ್ರಾಯ, ವಸ್ತುನಿಷ್ಠ ವಿಶ್ಲೇಷಣೆ ಹಾಗೂ ಮಾರ್ಗದರ್ಶಕ ಸಲಹೆಗಳನ್ನು ಹಂಚಿಕೊಂಡ ಸಮುದಾಯದ ಹಿರಿಯ ಮುಖಂಡರು, ಚಿಂತಕರು, ಬುದ್ಧಿಜೀವಿಗಳು, ಸಂಘಟಕರು ಹಾಗೂ ಗಣ್ಯ ಅತಿಥಿಗಳಾದ ಶ್ರೀ ನಾಗರಾಜು ರವರಿಗೆ ನಮ್ಮ ಅನಂತ ಧನ್ಯವಾದಗಳು.

ಸಮುದಾಯದ ಅರ್ಹ ಸಾಧಕರು, ನಿಸ್ವಾರ್ಥ ಸಮಾಜಸೇವಕರು, ಶಿಕ್ಷಣತಜ್ಞರು, ವೈದ್ಯರು, ಕಲಾವಿದರು, ಸಂಘಟಕರು ಹಾಗೂ ವಿವಿಧ ಕ್ಷೇತ್ರಗಳ ಗಣ್ಯರನ್ನು ಗುರುತಿಸಿ ಗೌರವಿಸುವ ಉದಾತ್ತ ಆಶಯದೊಂದಿಗೆ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಅರ್ಥಪೂರ್ಣವಾಗಿ ನೆರವೇರಿಸಿದ ಖ್ಯಾತ ಮೂಳೆ ಮತ್ತು ಕೀಲು ಶಸ್ತ್ರಚಿಕಿತ್ಸಾ ತಜ್ಞ ವೈದ್ಯರು ಹಾಗೂ ಕೆಂಪೇಗೌಡ ವೈದ್ಯಕೀಯ ಶಿಕ್ಷಣ ಸಂಸ್ಥೆ ಮತ್ತು ಆಸ್ಪತ್ರೆಯ ಉಪಪ್ರಾಂಶುಪಾಲರಾದ ಡಾ|| ಸೋಮಶೇಖರ್ ಅವರಿಗೆ ವಿಶೇಷ ಅಭಿನಂದನೆಗಳು ಹಾಗೂ ಹೃತ್ಪೂರ್ವಕ ಕೃತಜ್ಞತೆಗಳನ್ನು ಸಲ್ಲಿಸುತ್ತೇವೆ. ತಮ್ಮ ಅಮೂಲ್ಯ ಸಮಯವನ್ನು ಮೀಸಲಿಟ್ಟು ಪ್ರಶಸ್ತಿಗಳನ್ನು ಪ್ರದಾನಿಸುವ ಮೂಲಕ ಸಾಧಕರ ಸೇವೆ, ಪರಿಶ್ರಮ ಮತ್ತು ಸಾಧನೆಗಳಿಗೆ ಗೌರವದ ಮನ್ನಣೆ ನೀಡಿರುವುದು ಪ್ರಶಸ್ತಿ ಪುರಸ್ಕೃತರಿಗೂ, ಸಮುದಾಯಕ್ಕೂ ಹೆಮ್ಮೆಯ ಸಂಗತಿಯಾಗಿದೆ.

ಅದೇ ರೀತಿ, ಸಮಾಜಸೇವೆ, ದಾನಧರ್ಮ, ಮಾನವೀಯತೆ ಹಾಗೂ ಸಮುದಾಯದ ಉನ್ನತಿಯ ಕಾರ್ಯಗಳಲ್ಲಿ ತಮ್ಮನ್ನು ಸಮರ್ಪಿಸಿಕೊಂಡಿರುವ ಶ್ರೀಮತಿ ಮಂಜುಳ ಮತ್ತು ಲಗ್ಗೆರೆ ಶ್ರೀ ನಾರಾಯಣಸ್ವಾಮಿ ದಂಪತಿಗಳು ಹಾಗೂ ಶ್ರೀಮತಿ ಶೋಭ ಶಿವಣ್ಣ, ಅವರ ಮಗ ಶ್ರೀ ಭರತ್ ಹಾಗೂ ಶ್ರೀಮತಿ ಶಶಿಕಲಾ, ಆರ್. ರವರು ಪಾದಪೂಜೆಯೊಂದಿಗೆ, ಗುರುವಂದನಾ ಕಾರ್ಯಕ್ರಮವನ್ನು ಭಕ್ತಿಭಾವದಿಂದ ನೆರವೇರಿಸಿರುವುದು ಅತ್ಯಂತ ಪ್ರಶಂಸನೀಯ. ಗುರುಪರಂಪರೆಯ ಮಹಿಮೆ, ಆಧ್ಯಾತ್ಮಿಕ ಶ್ರದ್ಧೆ ಹಾಗೂ ಗುರುಭಕ್ತಿಯ ಸಂಸ್ಕಾರವನ್ನು ಎತ್ತಿಹಿಡಿದ ಈ ಪವಿತ್ರ ಸೇವೆಗೆ ದಂಪತಿಗಳಿಗೆ ನಮ್ಮ ಹೃದಯಪೂರ್ವಕ ಅಭಿನಂದನೆಗಳು ಮತ್ತು ಕೃತಜ್ಞತೆಗಳು.

ವಿಶ್ವ ಒಕ್ಕಲಿಗರ ಮಹಾ ಸಂಸ್ಥಾನ ಮಠದ ಪರಮಪೂಜ್ಯ ಶ್ರೀ ಶ್ರೀ ಶ್ರೀ ಡಾ|| ನಿಶ್ಚಲಾನಂದನಾಥ ಮಹಾಸ್ವಾಮೀಜಿಯವರಿಗೆ ಸಂಸ್ಥೆಯ ವತಿಯಿಂದ ಗೌರವಪೂರ್ವಕ ಅಭಿನಂದನೆಗಳನ್ನು ಸಮರ್ಪಿಸಿದ ನಮ್ಮ ಸಂಸ್ಥೆಗಳ ಪದಾಧಿಕಾರಿಗಳು ಹಾಗೂ ಆಡಳಿತ ಮಂಡಳಿಯ ಸರ್ವ ಸದಸ್ಯರಿಗೂ ವಿಶೇಷ ಧನ್ಯವಾದಗಳನ್ನು ಅರ್ಪಿಸುತ್ತೇವೆ. ಈ ಸಂದರ್ಭದಲ್ಲಿ ಕಾರ್ಯಕ್ರಮದ ನಿರ್ವಹಣೆ, ಸಂಘಟನೆ, ಸಮನ್ವಯ, ಸ್ವಾಗತ ಹಾಗೂ ವಿವಿಧ ಜವಾಬ್ದಾರಿಗಳನ್ನು ಸಮರ್ಥವಾಗಿ ನಿರ್ವಹಿಸಿ ಸಮಾರಂಭದ ಯಶಸ್ಸಿಗೆ ಶ್ರಮಿಸಿದ ಡಾ|| ವಿ. ಆಂಜನಪ್ಪ, ಶ್ರೀ ರಾಮಣ್ಣ, ತ್ಯಾಮಗೊಂಡ್ಲು ಡಾ|| ಟಿ. ಎಂ. ಹುಚ್ಚಪ್ಪ, ಶ್ರೀ ರಾಮಲಿಂಗಯ್ಯ (ಲಗ್ಗೆರೆ) ಹಾಗೂ ಶ್ರೀಮತಿ ಶೋಭ ಶಿವಣ್ಣ ರವರಿಗೆ ನಮ್ಮ ವಿಶೇಷ ಅಭಿನಂದನೆಗಳು ಮತ್ತು ಕೃತಜ್ಞತೆಗಳು.

ಈ ಸಮಾರಂಭವು ಕೇವಲ ಒಂದು ದಿನದ ಆಚರಣೆಗೆ ಸೀಮಿತವಾಗಿರದೆ, ಒಕ್ಕಲಿಗ ಸಮುದಾಯದ ಐಕ್ಯತೆ, ಸಂಘಟನಾ ಶಕ್ತಿ, ಸಾಮಾಜಿಕ ನ್ಯಾಯದ ಆಶಯ, ಮೀಸಲಾತಿಯ ಹಕ್ಕೊತ್ತಾಯ, ಉಪಜಾತಿಗಳ ನಡುವಿನ ಸೌಹಾರ್ದತೆ ಹಾಗೂ ಮುಂದಿನ ಪೀಳಿಗೆಯ ಉಜ್ವಲ ಭವಿಷ್ಯಕ್ಕೆ ಭದ್ರ ಬುನಾದಿ ಹಾಕುವ ಮಹತ್ವದ ವೇದಿಕೆಯಾಗಿ ರೂಪುಗೊಂಡಿದೆ. ಸಮುದಾಯದ 116 ಉಪಜಾತಿಗಳ ನಡುವೆ ಪರಸ್ಪರ ವಿಶ್ವಾಸ, ಸಹಕಾರ, ಭ್ರಾತೃತ್ವ ಹಾಗೂ ಸಂಘಟನಾತ್ಮಕ ಸಮನ್ವಯವನ್ನು ಬಲಪಡಿಸುವ ನಿಟ್ಟಿನಲ್ಲಿ ಇಂತಹ ವಿಚಾರವಿನಿಮಯ ಮತ್ತು ಸಂವಾದಗಳು ನಿರಂತರವಾಗಿ ಜರುಗಬೇಕೆಂಬುದು ನಮ್ಮ ಆಶಯವಾಗಿದೆ.

ಈ ಮಹತ್ತರ ಸಮಾರಂಭದ ಯಶಸ್ಸಿಗೆ ತಮ್ಮ ದೈಹಿಕ ಶ್ರಮ, ಬೌದ್ಧಿಕ ಸಹಕಾರ, ಆರ್ಥಿಕ ನೆರವು, ಸಂಘಟನಾ ಸಾಮರ್ಥ್ಯ ಹಾಗೂ ಅಮೂಲ್ಯ ಸಮಯವನ್ನು ವಿನಿಯೋಗಿಸಿದ ವಿಶ್ವ ಒಕ್ಕಲಿಗರ ಮಹಾ ಸಂಸ್ಥಾನ ಮಠದ ಕಾರ್ಯಕರ್ತರು, ಸಿಬ್ಬಂದಿ ವರ್ಗ, ಸ್ವಯಂಸೇವಕರು, ಸಹೃದಯಿ ದಾನಿಗಳು, ಪ್ರಾಯೋಜಕರು, ಆಹ್ವಾನಿತ ಗಣ್ಯರು, ಪ್ರಶಸ್ತಿ ಪುರಸ್ಕೃತರು, ವಿವಿಧ ಸಂಘ-ಸಂಸ್ಥೆಗಳ ಪದಾಧಿಕಾರಿಗಳು, ಒಕ್ಕಲಿಗ ಸಮುದಾಯದ ಹಿರಿಯರು, ಮಹಿಳೆಯರು, ಯುವಕರು, ಬಂಧು-ಬಾಂಧವರು ಹಾಗೂ ದೂರದ ಊರುಗಳಿಂದ ಆಗಮಿಸಿ ಕಾರ್ಯಕ್ರಮಕ್ಕೆ ಮೆರುಗು ತಂದ ಸಮಸ್ತ ಅಭಿಮಾನಿಗಳಿಗೆ ನಮ್ಮ ಸಂಸ್ಥೆಗಳ ಪರವಾಗಿ ಹೃದಯಾಂತರಾಳದ ಕೃತಜ್ಞತೆಗಳನ್ನು ಸಮರ್ಪಿಸುತ್ತೇವೆ.

ಕಾರ್ಯಕ್ರಮದ ಪ್ರತಿಯೊಂದು ಹಂತದಲ್ಲಿಯೂ ಸಹಕರಿಸಿದ ಪ್ರತ್ಯಕ್ಷ ಹಾಗೂ ಪರೋಕ್ಷ ಸಹಕಾರಿಗಳೆಲ್ಲರಿಗೂ ನಮ್ಮ ಗೌರವಪೂರ್ವಕ ವಂದನೆಗಳು. ತಮ್ಮೆಲ್ಲರ ಸಹಕಾರ, ಸಹಭಾಗಿತ್ವ ಮತ್ತು ಸೌಹಾರ್ದಪೂರ್ಣ ಬೆಂಬಲವೇ ಈ ಸಮಾರಂಭದ ಯಶಸ್ಸಿಗೆ ಮೂಲಾಧಾರವಾಗಿದೆ. ನಿಮ್ಮೆಲ್ಲರ ಪ್ರೀತಿ, ವಿಶ್ವಾಸ ಮತ್ತು ಪ್ರೋತ್ಸಾಹ ನಮ್ಮ ಸಂಸ್ಥೆಗಳ ಸಾಮಾಜಿಕ ಬದ್ಧತೆಯನ್ನು ಮತ್ತಷ್ಟು ಬಲಪಡಿಸಿದೆ.

ಒಗ್ಗಟ್ಟಿನಲ್ಲಿ ಶಕ್ತಿ, ಸಂಘಟನೆಯಲ್ಲಿ ಸಾಮರ್ಥ್ಯ, ಸೇವೆಯಲ್ಲಿ ಸಾರ್ಥಕತೆ ಹಾಗೂ ಸಮುದಾಯದ ಏಳಿಗೆಯಲ್ಲಿ ಸಮಾಜದ ಅಭ್ಯುದಯ ಅಡಗಿದೆ ಎಂಬ ಉದಾತ್ತ ಧ್ಯೇಯವಾಕ್ಯದೊಂದಿಗೆ, ಕನ್ನಡ ನಾಡಿನ ಸಾಂಸ್ಕೃತಿಕ ವೈಭವವನ್ನು ಎತ್ತಿಹಿಡಿದು, ಒಕ್ಕಲಿಗ ಸಮುದಾಯದ ಸರ್ವಾಂಗೀಣ ಪ್ರಗತಿಗಾಗಿ ನಾವೆಲ್ಲರೂ ಒಂದಾಗಿ ಮುನ್ನಡೆಯೋಣ.

ಸಮಸ್ತ ಸಹೃದಯರ ಸಹಕಾರ, ಪೂಜ್ಯ ಗುರುವರ್ಯರ ಆಶೀರ್ವಾದ ಹಾಗೂ ಹಿರಿಯರ ಮಾರ್ಗದರ್ಶನ ನಮ್ಮ ಸಂಸ್ಥೆಗಳ ಮೇಲೆ ಸದಾ ಇರಲೆಂದು ಪ್ರಾರ್ಥಿಸುತ್ತಾ, ಈ ಮಹತ್ಕಾರ್ಯಕ್ಕೆ ಕೈಜೋಡಿಸಿದ ಸರ್ವರಿಗೂ ಮತ್ತೊಮ್ಮೆ ಅನಂತಾನಂತ ಧನ್ಯವಾದಗಳನ್ನು ಅರ್ಪಿಸುತ್ತೇವೆ.

ಸರ್ವರಿಗೂ ಕನ್ನಡ ರಾಜ್ಯೋತ್ಸವದ ಹಾರ್ದಿಕ ಶುಭಾಶಯಗಳು.

ಜೈ ಕನ್ನಡಾಂಬೆ!
ಜೈ ಕರ್ನಾಟಕ!
ಜೈ ಒಕ್ಕಲಿಗ ಸಮುದಾಯ!

ಇಂತಿ, ಕೃತಜ್ಞತಾಪೂರ್ವಕವಾಗಿ,

Share This Article